Endelig kjem det ei lita kjapp oppskrift som er perfekt i tursekken no i det nydelige vinterværet. 😊 Kjeksa er eit godt alternativ til sunn snacks om du velger ingredienser etter oppskrifta, men det går og fint å lage ein søtare variant ved å bruke vanlig sukker og sirup. Gode og seige blir dei uansett, ein liten ny favoritt på kjøkkenet. Oppskrifta fann eg sjølvsagt hos flinke Linda Stuhaug . 😊

Du treng:

• 100 gr salte peanøtter

• 100 gr valnøtter

• 3 ss sukrin gold (eller anna søtning)

• 1 eggekvite

• 100 g fibersirup clear (eller lys sirup)

Slik gjer du:

1. Sett ovnen på 180 grader, over-undervarme.

2. Mal nøttene i en kraftig blenar eller foodprosessor.

3. Vend inn resten av ingrediensane.

4. Bruk ei Ts til å forme gode klattar med ts på eit steikebrett med bakepapir. Trykk nåken nøtter for pynt på toppen.

5. Steik midt i ovnen i ca. 12-15 minutt, eller til dei er lett gylne og sprø på utsida. Avkjøl på rist og oppbevar i kakeboks.

Ein kan sjølvsagt bruke akkurat kva type nøtter ein vil, så lenge det blir 200 g totalt. Så her er det bare å prøve seg fram 😊 Lykke til og ha ein fin søndag vidare!