“Dette har eg ikkje gjort før, så det går nok bra”, tenkte eg då eg satte i gang med denne sylta.
Fra før av har eg kun laga sylterull, og det var i 2016 i USA, så om eg var spent på resultatet? Ja, det kan ein sei. Eg hadde og ein liten heiagjeng (les: Vegard), som hadde veldig store forventningar rundt dette prosjektet her. Så fallhøgden var relativt høg.
Og resultatet? Heilt upåklagelig om eg skal sei det sjølv! Har fått mykje skryt og då, så regner med det er nåke sannhet i det. Og skummelt var det heller ikkje, fort gjort på ein søndags ettermiddag. Det er bare å kaste seg uti det 🙂
Du treng:
- ca 2,5 kg tynnribbe
- 5 laurbærblad
- 1 ss pepper
- 1 22 salt
- vatn
- 4 ts pepper
- 4 ts salt
- 3 ts allehånde
- 2 ts ingefær
- 1 ts nellik
- 1 ts karve
- 1 ts muskat
- 10-12 ts gelantinpulver
Slik gjer du:
- Fjern bein og svor i fra ribba. Mulig eg tok litt for mykje av fettet vekk, så la gjerne litt meir være på.
- Skjær opp ribba på tvers, og del den i skiver på ca 0,5 cm.Koketida blir kortare og kjøttet jevnare kokt.
- Ha kaldt vatn og laurbærblad i ein stor kjele ilag med salt og pepper. Når vatnet nærmar seg kokepunkt så legg du i kjøttet. Sett på lokk og la småkoke/ trekke i ca 2 timar.
- Bland sammen krydder og gelantin i ei skål.
- Når kjøttet er ferdig kokt, tar du det vekk i fra kjelen. Sil krafta av kjøttet, den kan du bruke til supper og sausar om du vil.
- Bland kjøttet ilag med krydder og ca 0,5 til 1 dl av krafta.
- Legg eit bakepapir i ei brødform og begynn å legg kjøttet i forma. Legg kjøttbitane på langs, prøv å få det mest mulig jevnt, med minst mulig luftrom.
- Brett så bakepapiret lett over og sett ei tom brødform over. Fyll den med ca 3 kg vekt og sett den i kjøleskapet i ca 24 timar før du tar den ut.
- 24 timar seinare får du dette fantastiske resultatet. Skjær sylta i mindre bitar, eg delte den i 4, og pakk inn i aluminiumsfolie og frys ned.
- Serveres på grovbrød eller lefse med rødbeter og majones, nydelig!
Oppskrift, inspirasjon og gode tips fant eg hos Gladkokken!
0 kommentarer